गजल

सुवास विनाको फूल शिरमा, लाउँ म कसरी ?
शव्द विनाको गीत नयाँ, गाउँ म कसरी ?

भीडै भीडको यो शहरमा, एक्लो छु म आज,
छैन पहिचान सबको दिलमा, छाउँ म कसरी ?

नाना-छाना-खाना खोज्न, सबै जना आफ्नै तालमा,
भोकाहरुको भिडमा ब्यन्जन, खाउँ म कसरी ?

डुँगा एउटै यात्रु सयौं, तर्नै पर्ने सबलाइ सागर,
पालो मिच्दै एक्लै पारी, जाउँ म कसरी ?

पाप काट्न धाम यहाँ, धाउनेहरु धेरै देखें,
प्रायश्चित गर्न मन्दिर मश्जिद, धाउँ म कसरी ?

सुवास विनाको फूल शिरमा, लाउँ म कसरी ?
शव्द विनाको गीत नयाँ, गाउँ म कसरी ?



२०६७ जेष्ठ २१ गते
बुद्धनगर काठमाण्डौ