गजल ।

धेरै दिन पछिको यो रात कस्तो कस्तो ।
रातसंगै मदिराको यो मात कस्तो कस्तो ।

ताप घट्दैछ, राप बढ्दैछ, सुन्दरीको चाप बढ्दैछ,
मनै भुलाउने सुरा सुन्दरीको यो मात कस्तो कस्तो ।

दिइ ज्याला, लिइ प्याला, मस्ती मार्ने सवको चाला,
नजर हान्ने ठिटीको यो वात कस्तो कस्तो ।

अहिले यहाँ, पछि त्यहाँ, छिनछिनमै कहाँ कहाँ,
सबैलाइ बाँड्न मिल्ने यो घात कस्तो कस्तो ।

                                                      धेरै दिन पछिको यो रात कस्तो कस्तो ।
                                                      रातसंगै मदिराको यो मात कस्तो कस्तो ।
                                                      २०६८।०८।१०
                                                     बबरमहल,काठमाण्डौं ।